Ef þú ert sérfræðingur í mannauðsmálum veistu hversu mikilvægt er að gera kannanir meðal starfsfólksins. Þú veist líka að það er hægt að gera of mikið af því góða. Þú ert réttilega varkár og jafnvel er smá ótti í þér við að keyra of margar starfsmannakannanir. Kannski ertu meira að segja að íhuga nýjan hugbúnað fyrir starfsmannakannanir til að straumlínulaga ferlið og mæta betur þörfum fyrirtækisins.

Að skapa viðurkenningarmenningu snýst ekki bara um góðan fíling. Það snýst um að skapa lifandi menningu með fólk í fyrirrúmi sem endurómar á öllum sviðum fyrirtækisins. Að fagna þessum augnablikum byggir upp gleði, félagsanda og djúpa tilfinningu fyrir stolti og því að tilheyra sem skilar sér í meiri þátttöku og vellíðan fyrir alla.

Uppgangur gervigreindar gefur fyrirheit um breytingar á lífi vinnandi fólks um allan heim. Evrópa er varnarlausari fyrir sundrungu sem gervigreind skapar, samkvæmt skýrslu frá Alþjóðagjaldeyrissjóðnum. Þróuð lönd með upplýst starfsfólk verða fyrir meiri áhrifum af uppgangi skapandi gervigreindar, en eru jafnframt færari um að nýta sér tæknina til að auka framleiðni og skapa ný fyrirtæki. Evrópskt vinnuafl er hugsanlega ekki klárt í bátana Aðeins þriðjungur starfsfólks (34%) á dæmigerðum evrópskum vinnustað segir að það sé spennt fyrir því að nota gervigreindarverkfæri í vinnunni, samkvæmt markaðskönnun meðal meira en 26.000 evrópskra starfsmanna sem framkvæmd var af Great Place To Work®. Örlítið færri (25%) sögðu að þeirra fyrirtæki væru að fjárfesta verulega í getu þeirra til að nýta sér gervigreind. Traust er lykilatriði við innleiðingu gervigreindar Lítið traust getur mögulega hamlað innleiðingu á nýrri tækni eins og gervigreind, samkvæmt Edelman´s 2024 Trust Barometer. Í könnun meðal meira en 32.000 svarenda kom í ljós að fólk alls staðar að úr heiminum er næstum tvöfalt líklegra til að segja að nýsköpun sé illa stjórnað frekar en vel stjórnað. Hvernig geta fyrirtæki byggt upp traust til að flýta fyrir stafrænni umbreytingu og uppskorið hollustu starfsfólks? Fyrirtæki sem komust á listann Fortune 100 Best Companies to Work For in Europe™ List fyrir árið 2024, bjóða upp á ómetanlega innsýn. „Þrátt fyrir þær efnahagslegu áskoranir sem þau standa frammi fyrir, fundu þessi fyrirtæki leiðir til að veita sínu fólki meiri stuðning og leggja grunn að trausti sem skiptir sköpum fyrir velgengni fyrirtækja á næstu árum,“ segir Michael C. Bush, alþjóðlegur forstjóri Great Place To Work. Mesti munurinn: Sanngirni Þegar fyrirtæki á listanum eru borin saman við dæmigerðan evrópskan vinnustað, draga mælingar á sanngirni fljótt fram skarpar andstæður.  Hjá þeim 100 bestu, segja 78% starfsfólks að stöðuhækkanir séu sanngjarnar, samanborið við aðeins 37% starfsfólks sem sögðu hið sama á dæmigerðum evrópskum vinnustað. Fleira starfsfólk fyrirtækjanna á listanum sagði ennfremur að það fengi sanngjarna hlutdeild í hagnaði fyrirtækisins (70% samanborið við 36% á dæmigerðum vinnustöðum) og að stjórnendur í þeirra fyrirtæki forðist að gera mannamun (81% á móti aðeins 43% hjá dæmigerðum fyrirtækjum). Þegar fleira starfsfólk telur sinn vinnustað vera sanngjarnan, eru fyrirtæki líklegri til að tileinka sér gervigreindarverkfæri fljótt og vel og dafna á tímum gervigreindar. Þar sem vinnandi fólk er uggandi yfir því hvernig gervigreind muni hafa áhrif á þeirra störf eða takmarka möguleikana til þróunar í starfi, munu fyrirtæki sem sannanlega eru með óhlutdrægar stöðuhækkanir á sinni afrekaskrá hafa fleira starfsfólk sem er til í að taka áhættuna á innleiðingu gervigreindar. Tengingin er einnig skýr í gögnunum. Í markaðsrannsókninni meðal 26.000 evrópskra starfsmanna, þegar þeir sagði að stöðuhækkanir hjá þeirra fyrirtæki væru veittar á sanngjarnan hátt, voru 29% líklegri til að vera spennt fyrir því að nota gervigreindartæki. Á sama hátt, þegar starfsmenn sögðust fá tækifæri til þjálfunar og faglegrar þróunar, voru þeir 30% líklegri til að vera spenntir fyrir því að nota gervigreindarverkfæri. Hvernig þau 100 bestu byggja upp traust Svona eru fyrirtæki sem komust á listann að byggja upp sterk tengsl við starfsfólk sem leiðir til meiri lipurðar og seiglu í öllu fyrirtækinu: 1. Endurskoðun heildarlauna til að tryggja að sérhver starfsmaður fái sanngjarnan hlut Hefur starfsfólk með sömu grunnlaun jafnframt sömu möguleika á að vinna sér inn bónusa? Frábærir vinnustaðir tryggja að hver og einn starfsmaður fái notið ávinnings af starfseminni. Þegar starfsfólk trúir því að það fái sanngjarnan hlut af hagnaði fyrirtækisins, á það meiri persónulega hagsmuni af aukinni framleiðni og bættri frammistöðu sem ný AI-tækni gefur fyrirheit um. Cisco, fjölþjóðlegt fyrirtæki sem er númer 5 á listanum, endurskoðar reglulega sitt þóknunarkerfi og vinnur hratt að því að fylla í eyður. Jafnlaunakerfi fyrirtækisins horfir til auka ávinnings fyrir starfsfólk, þar á meðal stöðuhækkana, bónusa og þóknunar í formi hlutabréfa. Sanngjörn laun þýðir ekki að allt starfsfólk fái sömu laun. Frábær fyrirtæki hugsa ítarlega um kosti þess að vinna fyrir félagið og endurmeta stöðugt kerfi sem virka ekki fyrir starfsfólkið og markmið þeirra. 2. Veita hæfileikafólki hreyfanleika Frábærir vinnustaðir bjóða upp á menningu stöðugrar þjálfunar og þróunar sem tryggir að allt starfsfólk hafi tækifæri til að læra inn á gervigreind og vaxa inn í glæný hlutverk með gervigreindartækni. Þegar starfsmenn geta boðið sig fram í krefjandi verkefni, eða gengið til liðs við mismunandi teymi, hafa þeir fleiri tækifæri til að öðlast nýja hæfni og þróa starfsferil sinn. Slík reynsla getur einnig haft mikið að segja varðandi stöðuhækkanir og stuðlað að jöfnuði í fyrirtækinu. Hjá DHL Express, fjölþjóðafyrirtæki númer 1 á listanum, getur starfsfólk tekið þátt í vinnustofum sem leiðbeina því við að skoða sitt fyrra vinnuframlag og þróa áætlun um starfsframa. Starfsfólkið hefur einnig aðgang að 360 gráðu endurgjöf, tól sem sem safnar endurgjöf frá stjórnendum, jafningjum, undirmönnum og viðskiptavinum til að hjálpa einstaklingum að vaxa í starfi sínu. Endurgjöfin er afhent og útskýrð af þjálfuðum leiðbeinendum og starfsfólk getur í samvinnu við yfirmann sinn gert samhæfða áætlun um þróun í starfi og markmiðasetningu. Það er mikilvægt fyrir fyrirtæki að huga einnig að því hverjir eiga erfiðara með að fá aðgang að tækifærum í fyrirtækinu. Hjá Cadence, fjölþjóðlegu fyrirtæki númer 20 á listanum, er markvissri þróunaráætlun beint að konum í fyrirtækinu með þjálfun og leiðbeinendaprógramm hjálpar til við að tengja fólk við leiðbeinanda sem getur opnað dyr og hjálpað þeim að koma starfsferlinum á flug 3. Ræða opinskátt við starfsfólkið um framtíð gervigreindar á vinnustaðnum Starfsfólk vill vita hvernig gervigreind mun hafa áhrif á þau. Frábærir vinnustaðir tryggja að starfsfólk sé þjálfað og sátt að ræða hvernig gervigreind verði notuð í vörum og verkferlum. Hjá Salesforce, fjölþjóðlegu fyrirtæki númer 11 á listanum, voru allir starfsmenn krafðir um að ljúka vottunarprógrammi til að læra hvernig á að tala um gervigreind og þá nýsköpun sem í gangi var hjá fyrirtækinu. Innan tveggja mánaða frá því að áætlunin var á laggirnar höfðu 92% alls starfsfólks lokið þjálfuninni. Samt sem áður, þá ætti samtal um gervigreind að fara í báðar áttir. Frábær fyrirtæki ættu að bjóða upp á ýmsar leiðir fyrir starfsfólk til að deila viðbrögðum sínum með stjórnendum. Starfsfólk Salesforce tekur þátt í 15 mínútna könnun um upplifun sína tvisvar á ári. Fyrirtækið gerir síðan niðurstöður könnunarinnar aðgengilegar öllu starfsfólki, hluti af skuldbindingu um gagnsæi sem skilar sér í 80% þátttökuhlutfalli. Starfsfólk getur síað niðurstöður eftir staðsetningu, stjórnanda, könnunarspurningu og fleiru, sem opnar möguleikann á dýpri samtölum um hvað Salesforce er að gera vel og hvar það getur bætt upplifun starfsfólks.